Vawlei Ralpi 2nk lio ah British ralkap sinah ralkap a rak ttuanmi pawl bawmhnak pek an si lai
  • Chinmi 100 hrawng an bawmh ve hna

Vawlei Ralpi 2nk lio ah British ralkap sinah ralkap a rak ttuan vemi pawl le an nupi le hna cu November thla in bawmhnak pek an si tthan cang lai.

Bawmhnak cu England ram ah a ummi Help for Forgotten Allies (H4FA) timi bu nih a pekmi a si i vawlei cung ramkip um British ralkap a rak bawmtu ralkap pawl caah tuahmi a si.

Chin state le Kalay-Kabaw zongah kum 2016 ahkhan Chin Nuhrin Covo Bu (CHRO) he i bawm in bawmhnak an rak pek ve hna, tiah CHRO in Field Director Salai Tera nih a chim.

“Vawlei Ralpi 2nk lio ah British ralkap pawl sinah ralkap a rak ttuan vemi paohpaoh zei miphun ti thleidang loin an bawmh dih hna, amah a thih cang zongah a nupi an pek, nain amah he a nupi he an thih cang ahcun bawmhnak pek a si ti lo,” a ti.

Bawmhnak cu kum 1 ah kyat ting 2 in kum fatin an pek hna.

Liamcia kum 2 chung zong Chin state le Kalay-Kabaw area ah Chin ralkap hlun 100 hrawng an rak bawmh khawh hna.

Tu kum 2018 caah bawmhnak pek cu November in kan thok cang lai caah CHRO phone (09263 075540, 09255934177) ah chawnh khawh kan si, tiah Salai Tera nih a chim. — Khonumthung

Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. The Chin Express dirh a duh caah 2017 ah RSC ah rian dinhnak ca a ap i ni fatin Chin thawngpang le vawlei cung thawngpang phunkip a ṭial.