Zinghmuh Tlang ah Chuncung nih an phunmi lung a hrawktu theih an si cang

Rev. Tluang Ceu: Chuncung khuami nih an ram hngalhnak caah Zinghmuh tlang le Lai tili ah sing hra renglo dih in lung an phunmi pahnih man cikcek in a khuaitu hngalh an si cang.

Falam peng nih pacem hruaitu tiah an i bochanmi hna Yangon um Pu No Than Kap le Dr. Pa Sang, Falam in Pu Khuang Lian le Hakha in Pu Nei Thio hna cu Yangon ah meeting an tuah.

Zinghmuh tlang lungphung an hrawh

An meeting ahcun “Chuncung nih Zinghmuh tlang le Lai tili ah an phunmi lung hna cu hrawh dingin biachahnak an ngeih hnu ah mi an fial hna i hrawhmi asi” tiah biafiang theih a si cang.

Hibantuk mi thil tuahmi a hrawk ngamtu hruaitu hna cu kan laimi hruaitu caah ttihnung taktak an si cang. Hihi ramchung ram leng Falam peng, Halkha peng le laimi vialte nih i ralrin cioding an si lai.

Zinghmuh tlang lungphung an hrawh

Pu No Than Kap cu CPP (Chin Progressive Party) Chairman a si.

Michael Tial Uk Thang: Hi bantuk Laimi hruaitu ttha lo cu Pathian hna zong an tla lai lo. Minung hna zong an tla lai lo. Cun, mah bantuk thil tthalo tuahnak ah aa telmi pawl le a ttan pimi hna cu anmah ban tuk an si ve.

Laimi pawl rak zoh hnik uh, zei a kan ti ngam lai lo, a kan ti kho lai lo ti phun in kan upa te hi khua an sa, a hlan lio an nunning tha lo pi a chuak ko hih … an tuah bantuk in an zuun caan a phan te lai.

Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2017 ah The Chin Express a dirh i ni fatin Chin thawngpang le vawlei cung thawngpang phunkip a ṭial.